Oliy ta’lim muassasalariga kirish test sinovlari bo‘yicha ochiq muloqot

2021-yil 4-iyun kuni (bugun) soat 15:00 dan 16:00 ga qadar Davlat test markazining telegramdagi rasmiy kanali orqali oliy ta’lim muassasalariga kirish test sinovlari bo‘yicha ochiq muloqot o‘tkaziladi.

Ochiq muloqot telegramning ovozli chat funksiyasidan foydalangan holda tashkil etiladi.

Ochiq muloqot davomida ishtirokchilar qo‘l ko‘tarish funksiyasidan foydalangan holda o‘zlarini qiziqtirgan savollarni berishlari mumkin bo‘ladi.

Ovozli chat funksiyasi ishlashi uchun telegramning oxirgi versiyasi bo‘lishi lozim. Agar sizda telegramning oxirgi versiyasi o‘rnatilmagan bo‘lsa, dasturni yangilab olishni unutmang.

Davlat test markazi matbuot xizmati

Наманганда 259 млн сўмлик давлат буюртмаси бўйича тендер таъсисчиси бир бўлган корхоналар ўртасида ўйналди

Наманган вилояти, Учқўрғон туманида 259 млн сўмлик давлат харидларига қўйилган қурилиш ишларини бажариш учун бир шахс таъсисчиси бўлган фирмалар тендер танловида иштирок этмоқда.

Учқўрғон тумани ҳокимлиги ҳозирда нураб бораётган Норин дарёси дамбасини тиклаш ва келгусида нурашининг олдини олиш мақсадида дарё чап қирғоғининг 252 метр қисмини шағал билан мустаҳкамлашга қарор қилди. Бу ишларни бажариш учун танлов эълон қилиниб, давлат харидлари порталига эълон жойлаштирилган. Танлов нархи — 259 млн сўм.

Танловда қатнашиш учун «Mirzohidmirzo Mirzabahrom Mirzamurod», «Mirzoxidmirzo Urkinmirzo Mirzabaxrom» ва «Sherzod Begzod Nilufar» МЧЖ ўз таклифларини билдиради ҳамда танлов комиссияси қарори билан «Mirzohidmirzo Mirzabahrom Mirzamurod» МЧЖ ғолиб деб топилади.

Davletov.uz каналининг ёзишича, танловда қатнашган барча корхоналар ўзаро аффилланган, масалан, Мирзараҳим Жўрамирзаевич Каримов мазкур МЧЖлар улушининг тўлиқ ва камида ярмига эгалик қилади.

Аввалроқ, Наманган вилояти тендер комиссияси баённомасида фамилияси бир хил амалдорлар аниқлангани тўғрисида хабар тарқалганди. Бири Наманган вилояти ҳокимининг ишлаб чиқаришни маҳаллийлаштириш ва саноатда кооперация алоқаларини кенгайтириш масалалари бўйича ёрдамчиси лавозимида ишлаб келган Бекзод Матмусаев, иккинчиси эса Наманган вилояти ҳокимлигининг Ягона буюртмачи инжиниринг компанияси директори Дилшод Матмусаевдир.

Хабарда айтилишича, ўрганишлар улар яқин қариндош, яъни ака-укалигини кўрсатган.

“Айтишларича, улар амалдаги вилоят ҳокими Шавкат Абдураззоқовга ҳам қариндош бўлиши мумкин. Бекзод Матмусаев Давлат активларини бошқариш агентлиги директори Акмал Ортиқовнинг 2021 йил 19 январдаги буйруғи билан агентликнинг вилоят ҳудудий бошқармаси бошлиғи этиб тайинланди.

Ака-укаларнинг профессионал фаолияти, тажрибасини савол остига олиш ниятимиз йўқ. Аммо вилоятдаги энг муҳим иккита лавозим — бири миллиардлаб давлат буюртмаларини берадиган ҳамда бири миллиардлаб турадиган давлат активларини хусусийлаштиришга масъул бўлиши ҳар қандай шароитда ҳам жамоатчиликни ҳушёрликка чорлаши керак”, деб ёзилган Davletov.uz каналида.

Наманган вилояти ҳокимлиги ахборот ва киберхавфсизлик бўйича республикада биринчи ўринни эгаллади

Вилоят ҳокимлиги кўрсаткичи 88 фоизни ташкил этиб, ҳокимият органлари ўртасида 1-ўринни эгаллади.

Киберхавфсизлик маркази томонидан республика миқёсида барча давлат ва хўжалик бошқаруви, маҳаллий давлат ҳокимият органларида ахборот ва киберхавфсизлик таъминланганлик ҳолати мониторинги йўлга қўйилган.

Рейтингли баҳолаш натижаларига кўра, 2021 йил I-чорак якуни билан Наманган вилояти ҳокимлиги кўрсаткичи 91,3 фоизни ташкил этиб, республика ҳудудлари ҳокимият органлари ўртасида 1-ўрин, барча 134 та давлат ва хўжалик бошқаруви органлари ўртасида 3-ўринни эгаллади. 

Маълумот учун: 2020 йил якуни билан Наманган вилояти ҳокимлиги кўрсаткичи 88,0 фоизни ташкил этиб, республика ҳудудлари ҳокимият органлари ўртасида 1-ўрин, барча 134 та давлат ва хўжалик бошқаруви органлари ўртасида 4-ўринга эга бўлган эди.

Мактабларда баҳорги таътил 20 мартдан бошланади

Мактабларда баҳорги таътил 20 март кунидан бошланади. Бу ҳақда Халқ таълими вазирлиги хабар қилмоқда.

Кайд этилишича, президентнинг 2020 йил 3 декабрдаги “2021 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги фармонига мувофиқ, 20 март — шанба куни барча ходимлар учун иш ҳафтаси туридан қатъи назар дам олиш куни ҳисобланади.

Шу муносабат билан, 2021 йил 20 март куни 2020-2021 ўқув йили баҳорги таътилининг биринчи куни ҳисобланади. Баҳорги таътил 20 мартдан 28 мартгача давом этади. 2021 йил 29 мартдан ўқув йилининг 4-чораги бошланади.

2021 йил 20 март куни юқори синфларга белгиланган дарс соатлари 4-чоракда тиғизлашган ҳолда ўтказилади, дейилади вазирлик хабарида. 

Бу йил кириш имтиҳонларида тест топширилган фанлар тасдиқланди…..

Бу йил кириш имтиҳонларида максимал балл 280,5 балл бўлади. Учта мажбурий фан блокидан имтиҳон олиниши аниқ бўлди: она тили, математика ва Ўзбекистон тарихидан жами 45та савол бўлиб, уларнинг ҳар бирига 2,1 баллдан берилади, бакалавриат йўналишига мос фанларга 3,1 баллдан берилади.

Давлат қабул комиссияси томонидан «Республика олий таълим муассасаларининг бакалавриат таълим йўналишларининг мос тест синови топшириладиган фанлар мажмуаси, тест топшириқлари сони ҳамда баҳолаш мезонлари» тасдиқланди», дея хабар қилди Давлат тест маркази.

Унга кўра, максимал балл 280,5 балл бўлади. 3та мажбурий фан блокидан имтиҳон олинади: она тили, математика ва Ўзбекистон тарихидан жами 45та савол бўлиб, уларнинг ҳар бирига 2,1 баллдан берилади.

Таълим йўналишига мос фанларга 3,1 баллдан берилади. Бу блокда 2тадан фан бор. Масалан, юриспруденция йўналишидан имтиҳон тарих ва чет тили ҳамда 3та мажбурий фандан бўлади.

Шунингдек, қабул комиссияси тест билан биргаликда ижодий имтиҳон топшириладиган йўналишларни ҳам тасдиқлади.

БЕШ НАФАР ЎҚУВЧИ-ҚИЗ ЗУЛФИЯ НОМИДАГИ ДАВЛАТ МУКОФОТИ БИЛАН ТАҚДИРЛАНДИ

3 март куни Ўзбекистон Республикаси Президентининг «Зулфия номидаги Давлат мукофоти билан тақдирлаш тўғрисида»ги қарори имзоланди.

Қарорга кўра, ўзининг иқтидори ва ибратли фаолияти билан ёшларга ўрнак бўлиб келаётган, турли соҳа ва тармоқларда қобилият ва имкониятларини рўёбга чиқараётган, Учинчи Ренессанс пойдеворини яратишда чуқур билим ва интеллектуал салоҳиятини намоён этиб, ўз ғоя ва ташаббусларини илгари сураётган 28 нафар қиз Зулфия номидаги Давлат мукофоти билан тақдирланди.

Мукофотни қўлга киритганлар орасида Халқ таълими тасарруфига кирадиган 5 нафар мактаб ўқувчиси ҳамда бир нафар «Баркамол авлод» болалар мактаби тўгарак раҳбари ҳам бор:

Каримбоева Шаҳзода Камоладдин қизи – Қорақалпоғистон Республикаси Тўрткўл туманидаги 12-умумий ўрта таълим мактабининг 11-синф ўқувчиси;

Оразбаева Гулсанем Жалғасбай қизи – Қорақалпоғистон Республикаси Бўзатов туманидаги 1-умумий ўрта таълим мактабининг 8-синф ўқувчиси;

Салимова Амира Суннатжон қизи – Бухоро вилояти Когон шаҳридаги 8-умумий ўрта таълим мактабининг 11-синф ўқувчиси;

Жумабоева Шахзода Неъматжон қизи – Хоразм вилояти Янгибозор туманидаги 10-ихтисослаштирилган умумий ўрта таълим мактаб-интернатининг 9-синф ўқувчиси;

Каримова Мадина Жуманазаровна – Хоразм вилояти Урганч шаҳридаги 10-умумий ўрта таълим мактабининг 11-синф ўқувчиси;

Назарова Зилола Эргашбой қизи – Тошкент вилояти Ўрта Чирчиқ туманидаги «Баркамол авлод» болалар мактаби тўгарак раҳбари.

Shermatov 80 ming ortiqcha o‘qituvchi haqidagi fikriga izoh berdi

“Maktablarda aynan malakali o‘qituvchilarga talab juda yuqori. Lekin ushbu grafikda ko‘rishingiz mumkinki, atigi 3 foiz o‘qituvchi oliy toifaga, 11 foizi esa birinchi toifaga ega, ya’ni umumiy 14 foizi o‘qituvchini yashil kategoriyaga ajratsa bo‘ladi. Bular nafaqat maktab direktori tomonidan e’zozda, balki ota-onalar ham aynan shunday malakali o‘qituvchilarni repetitor sifatida qo‘shimcha dars berishga ko‘ndirishga harakat qilishadi”, deydi Shermatov.

UZTELECOM: 2021 yilda biznesingizga ishonch bilan!

Yangi 2021 yil kirib kelmoqda va u bilan birga yangi g‘oyalar, yangi imkoniyatlar, yangi istiqbollar ham kutilmoqda. Nafaqat har birimiz, balki butun mamlakatimiz davlat va jamiyat rivojlanishining barcha jabhalarida ijobiy o‘sishni kutmoqda.

Hech kimga sir emaski, tadbirkorlik faoliyatini rivojlantirish davlatning iqtisodiy va ijtimoiy salohiyati o‘sishining eng muhim omili bo‘lib, zamonaviy tadbirkorlik ham har tomondan katta miqdordagi sarmoyalarni, shu jumladan yuqori sifatli telekommunikatsiya infratuzilmasini talab qiladi.

UZTELECOM milliy operatori doimo taqdim etilayotgan xizmatlar va xizmat ko‘rsatish sifatini yaxshilash ustida ishlashni davom etadi. Abonentlarning zamonaviy tendensiyalari va afzalliklarini hisobga olgan holda, mobil aloqa operatori biznes mijozlari uchun maqbul yechimlarni taklif etadi va shu bilan mamlakatda biznesni rivojlantirish uchun qulay infratuzilmani yaratadi.

1 yanvardan qonunchilikda nimalar o‘zgaradi?

Kun.uz sayti o‘z an’anasiga muvofiq 2021 yil 1 yanvardan boshlab O‘zbekiston qonunchiligida ro‘y beradigan ayrim o‘zgarishlarni eslatib o‘tadi. O‘zbekiston Respublikasida fuqarolik pasporti o‘rniga ID-karta ko‘rinishidagi shaxsni tasdiqlovchi hujjat berish boshlanadi. Bunda fuqarolarning biometrik pasportlarini ID-kartalarga almashtirish 2022 yil 31 dekabrgacha ixtiyoriylik asosida, 2023 yil 1 yanvardan 2030 yil 31 dekabrgacha majburiy tartibda amalga oshiriladi. 2011 yilgi namunadagi biometrik pasport 2031 yil 1 yanvardan boshlab haqiqiy emas deb hisoblanadi. O‘zbekiston Respublikasining barcha hududida jamoat transportida yo‘lovchi tashish uchun yo‘lkira haqini to‘lashning avtomatlashtirilgan tizimi joriy etiladi. Xalq deputatlari Kengashlariga Soliq kodeksi bilan belgilanadigan soliq stavkalari asosida qishloq xo‘jaligiga mo‘ljallanmagan yerlar uchun tuman va shaharlar kesimida, ularning iqtisodiy rivojlanishiga qarab yer solig‘i stavkasiga 0,5dan 2,0gacha kamaytiruvchi va oshiruvchi koeffitsiyentlarni qo‘llagan holda yer solig‘i stavkalarini belgilash vakolati berilmoqda.